ყურადღებით ვაკვირდებით ჩვენს შესახებ არსებულ ყველა ბრალდებას და საჭიროებისამებრ ვუპასუხებთ, - ამის შესახებ სომხეთის პრემიერ-მინისტრმა ნიკოლ ფაშინიანმა განაცხადა.
ფაშინიანი გამოეხმაურა აშშ-ის სახელმწიფო მდივნის მოვალეობის შემსრულებლის, განცხადებას, რომ აშშ ცდილობს, სომხეთი რუსეთის საპირწონედ აშშ-ის პარტნიორი გახდეს. ფაშინიანის თქმით, სომხეთის რესპუბლიკის საგარეო პოლიტიკა გამჭვირვალეა და ასეთი ფორმულირებები მიზანშეწონილად არ მიაჩნია.
„სომხეთის საგარეო პოლიტიკა ყოველთვის არის მიმართული და ორიენტირებული სომხეთის პოლიტიკურ ინტერესებზე დაყრდნობით“, – აღნიშნა ნიკოლ ფაშინიანმა.
რაც შეეხება რუსეთის საგარეო საქმეთა მინისტრის, სერგეი ლავროვის განცხადებას, რომ სომხეთი დასავლეთის მხარდაჭერით „აძევებს რუსებს“, სომხეთის პრემიერ-მინისტრმა თქვა: „მირჩევნია ჩემი კოლეგების განცხადებებზე გავაკეთო კომენტარი. მე გამოვდივარ რუსეთის ფედერაციის პრეზიდენტის განცხადებებიდან, დანარჩენი სამუშაო პროცესებია. რუსეთის ფედერაციის მეთაურმა განაცხადა, რომ სომხეთთან არ არის პრობლემები, ისევე როგორც სომხეთის პრემიერ-მინისტრთან“.
