რუსული, პროკრემლისტური გამოცემა „Sputnik მოლოდვას“ ხელმძღვანელი ვიტალი დენისოვი, რომელიც 13 სექტემბერს მოლდოვიდან გააძევეს, სავარაუდოდ, რუსეთის არმიის საკადრო ოფიცერია. ამის შესახებ The Insider-ის ჟურნალისტურ გამოძიბეაშია ნათქვამი.
ჟურნალისტების ცნობით, დენისოვი სპეციალური სამსახურის 72-ე ცენტრში მსახურობდა, რომელიც დაკავშირებულია რუსეთის სამხედრო დაზვერვასთან. აღნიშნული ცენტრი დაკავებულია უცხოური აუდიტორიის დეზინფორმციით რუსეთის შეიარაღებული ძალების ინტერესებიდან გამომდინარე.
მასალების მიხედვით, დენისოვი წარმოშობით უკრაინიდანაა.მან ლვოვის სამხედო-პლიტიკური უმაღლესი სასწავლებელი დაამთავრა, სადაც აზადებებდნენ სამხედრო ჟურნალისტებს. 2016 წელს მას მიენიჭა საჰაერო-სადესანტო ძალების პოლკოვნიკის წოდება. მოგვიანებით დენისოვი ხელმძღვანელობდა Sputnik-ის რედაქციას ოკუპირებულ სამხრეთ ოსეთში, შემდეგ კი აზერბაიჯანში. როგორც The Insider-ი აღნიშნავს, აზერბაიჯანული მედია დენისოვს რუსეთის სამხედრო დაზვერვის ოფიცერს უწოდებდა.
დენისვი მოლდოვოდან 13 სექტემბერს გააძევეს. როგორც მოლდოვის მიგრაციის სამსახურში განმარტეს, დენისოვი მოლდოვის შიდა საქმეებში ერეოდა და ქვეყნის საინფრომაციო უსაფრთხოებას საფრთხეს უქმნიდა. მას მოლდოვაში შესვლა 10 წლით აეკრძალა.
