უნგრეთის საგარეო საქმეთა მინისტრმა პიტერ სიიარტომ ევროპა „ომის გლობალიზაციაში“ დაადანაშაულა.
მისი თქმით, ევროპელებს „ომი უნდა აღეკვეთათ“, მაგრამ პირიქით, „ესკალაციის რისკები“ იზრდება. ამის შესახებ სიიარტომ ჰონგ კონგში „სარტყელის და გზის“ სამიტზე სიტყვით გამოსვლისას ისაუბრა.
მისი თქმით, ევროპული პოლიტიკა უკრაინის მიმართ და სანქციები რუსეთის წინააღმდეგ არის სრული წარუმატებლობა და პოლიტიკოსების წინადადება ჩინეთთან რისკის მოშორების შესახებ ევროპის ეკონომიკისთვის ნოკაუტი იქნება.
სიიარტოს განმარტებით, სანქციების მიზნები, კერძოდ, რუსეთზე ზეწოლა და ომის დასრულება, მიღწეული არ არის და ევროპის ეკონომიკის კონკურენტუნარიანობა „ყოველდღე ეცემა“.
სიიარტოს განცხადებებს უკრაინის საგარეო საქმეთა სამინისტროს წარმომადგენელი ოლეგ ნიკოლენკო გამოეხმაურა.
მისი თქმით, უნგრეთის საგარეო საქმეთა სამინისტროს ხელმძღვანელი რუსეთის ინტერესებიდან გამომდინარე ავრცელებს დეზინფორმაციას ევროკავშირის წინააღმდეგ და მოუწოდებს ბრიუსელს, მოსთხოვოს ბუდაპეშტს განმარტება მის განცხადებებთან დაკავშირებით.
„ჩვენი აზრით, ბრიუსელმა უნდა მოსთხოვოს ბუდაპეშტს განმარტება, თუ რატომ ავრცელებს უნგრელი მინისტრი დეზინფორმაციას ევროკავშირის წინააღმდეგ რუსეთის ინტერესებიდან გამომდინარე. ჩვენ მხოლოდ უკრაინაზე ხომ არ ვსაუბრობთ, არამედ უნგრეთის მცდელობაზე, შეარყიოს ევროპული პოზიციები აზიაში“, - წერს ნიკოლენკო.
