უკრაინის შეიარაღებული ძალების გენშტაბი ბახმუტთან მდებარე სოფელ ანდრეევკის გათავისუფლებას ადასტურებს.
„თავდაცვის ძალებმა კონრეშეტევითი მოქმედებების დროს ნაწილობრივ წარმატებას მიაღწიეს კლეშჩეევკის რაიონში. შტურმის დროს დაიკავეს ანდრეევკა“, - ნათქვამია გენბშტაბის ანგარიშში.
კლეშჩეევკა და ანდრეევკა, რომლებისგანაც მხოლოდ ნანგრევებია დარჩენილი, ბახმუტის სამხრეთიდან რამდენიმე კილომეტრში მდებარეობს.
უკრაინის შეიარაღებული ძალები ზაფხულის დასაწყისიდან ცდილობს ბახმუტის ფლანგებიდან აღებას. უკრაინელებმა უკვე დაიკავეს კლეშჩეევკის დომინანტი სიმაღლეები. ანდრეევკა მდებარობს სამხრეთით და ბახმუტიდან უფრო მოშორებით.
14 სექტემბერს თავდაცვის მინისტრის მოადგილე ჰანა მალიარმა ანდრეევკის აღების შესახებ განაცხადა, თუმცა აღნიშნულ რაიონში მებრძოლი ჯარის დანაყოფების წარმომადგენლებმა მალიარის განცხადებას ნაჩქარევი უწოდეს. მალიარმა თავის მხრივ აღნიშნა, რომ განცხადებებს ფრონტზე არსებული მდგომარეობის შესახებ, სამხედროებთან შეთანხმების გარეშე არ აკეთებს.
