“ეფ-ეს-ბემ”ოთარ ფარცხალაძე გამოიყენა, რათა რუსეთის საკეთილდღეოდ გავლენა მოეხდინა ქართულ საზოგადოებასა და პოლიტიკაზე - ამის შესახებ აშშ-ის სახელმწიფო დეპარტამენტის მიერ გავრცელებულ განცხადებაშია საუბარი, რომელშიც დამატებით სანქციებზე წერს.
საქართველოში საზიანო გავლენასთან დაკავშირებით აშშ-ის სახელმწიფო დეპარტმანეტი, ასევე, რუსეთის მოქალაქე ალექნსადრე ონიშჩენკოს ასახელებს, რომელიც ასევე, შეყვანილია სანქცირებულთა სიაში.
სახელმწიფო დეპარტამენტის ცნობით, ონიშჩენკო რუსეთის უშიშროების ფედერალური სამსახურის ოფიცერია, რომელიც სავარაუდოდ დაეხმარა მის პარტნიორ ფარხალაძეს რუსეთის პასპორტისა და, შესაძლოა, რუსეთის მოქალაქეობის აღებაში. სახელმწიფო დეპარტამენტის ინფორმაციით, ფარცხალაძემ სრულიად აითვისა რუსული იდენტობა და რუსეთში ხშირად მოგზაურობს.
„ონიშჩენკომ და “ეფ-ეს-ბემ“ გამოიყენეს ფარცხალაძე ქართულ საზოგადოებასა და პოლიტიკაზე რუსეთის საკეთილდღეოდ გავლენის მოხდენისთვის. გავრცელებული ინფორმაციით, ფარცხალაძემ პირადი სარგებელი მიიღო ”ეფ-ეს-ბეს“თან კავშირის შედეგად“, - აღნიშნულიოა სახდეპის განცხადებაში.
ამის გარდა, სანქციები რუსეთში დაფუძნებულ ორ მენეჯმენტის საკონსულტაციო კომპანიაზეც გავრცელდა, რომელთა 50% ფარცხალაძეს ეკუთვნის.
