ამერიკის შეერთებულმა შტატებმა საქართველოს ყოფილ მთავარ პროკურორს ოთარ ფარცხალაძეს სანქციები დაუწესა.
აშშ-ის ფინანსთა დეპარტამენტის ცნობით, დამატებითი სანქციები დაუწესდა რუსეთის, პოლონეთისა და საქართველოს მოქალაქეებს. საერთო ჯამში 150 პირს. სანქციების ქვეშ ასევე მოყვა რუსული კომპანიები, ქარხნები, ბანკები.
რუსული კომპანიების გარდა, საქნციები შეეხო იურიდიული პირებს ბელგიიდან, არაბეთა გაერთიანებული საამიროებიდან, სლოვენიიდნ, თურქეთიდან და აფრიკის ცენტრალური რესპუბლიკიდან. აშშ-მა სანქციები დაუწესა ასევე პანამის დროშის ქვეშ მცურავ ორ ტანკერს.
რაც შეეხება ოთარ ფარცხალაძეს, მანამდე უცხოური მედია წერდა, რომ სანქცირებულთა შორის იყო "ქართველ-რუსი ოლიგარქი".
„სანქცირებულებს შორის ასევე არის ქართველ-რუსი ოლიგარქი. სახელმწიფო დეპარტამენტის თქმით, რუსეთის ფედერალური უსაფრთხოების სამსახური მუშაობდა ამ ოლიგარქთან, რათან მას გავლენა მოეხდინა საქართველოს საზოგადოებასა და პოლიტიკაზე რუსეთის სასარგებლოდ, - დაწერა გამოცემა Associated Press-მა სახელმწიფო დეპარტამენტზე დაყრდნობით.
