დანია უკრაინას თავდაცვის საჭიროებებისთვის დაახლოებით 800 მლნ ევროს ღირებულების დახმარების პაკეტს გადასცემს.
აღნიშნული დახმარების პაკეტი იქნება დანიის მეთორმეტე და უდიდესი პაკეტი უკრაინისთვის.
დახმარების პაკეტის მოცულობის საერთო ღირებულება 5,8 მილიარდი კრონი გამოყენებული იქნება ტრანშების სახით 2023-2025 წლების განმავლობაში, მათ შორის ყველაზე დიდი - 4,3 მილიარდი დაგეგმილია 2023 წლისთვის, 1,4 მილიარდი - 2024 წლისთვის და 52 მილიონი კრონი 2025 წლისთვის.
დანიის საგარეო საქმეთა მინისტრმა აღნიშნა, რომ აღნიშნული პაკეტი ხსნის "ახალ ფაზას" უკრაინისთვის. მისი თქმით, დანიამ უკრაინას იმაზე მეტი იარაღი გადასცა, რისი გადაცემაც შეეძლო თავისი მარაგებიდნ, ამიტომ მომავალში კოპენჰაგენი სხვა მოკავშირეებთან ერთად გეგმავს ფოკუსირება მოახდინოს შესყიდვებზე უკრაინის ამჟამინდელი საჭიროებების შესაბამისად.
