კიევის საქალაქო სამხედრო ადმინისტრაციის ხელმძღვანელის სერგეი პოპკოს ინფორმაციით, 10 სექტემბრის ღამეს უკრაინის საჰერო თავდაცვამ კიევის თავზე ორი ათეული რუსული დრონი გაანადგურა. მისი თქმით, „შაჰედის“ ტიპის უპილოტო საფრენი აპარატები უკრაინის დედაქალაქისკენ სხადასხვა მიმართულებიდან ჯგუფებად მიემართებოდნენ.
მისივე თქმით, კიევში შევჩენკოს რაიონში უპილოტო საფრენი აპარატის ნამსხვრევებნა დააზიანეს მრავალსართულიანი საცხოვრებელი კორპუსის ბინა. თუმცა ნამსხვრევების უმეტესობა ღია სივრცეში ჩავარდა. დაზიანდა ავტომიბილები, ტროლეიბუსის ელექტროხაზები, გზის საფარი.
უპილოტო საფრენი აპარატები კიევის საჰაერო სივრცეში ღამის პირველი საათისთვის დაფიქსირდა. კიევის ოლქში საჰაერო განგაში გამოცხადდა.
მოგვიანებით, კიევის მერმა ვიტალი კლიჩკომ დააზუსტა, რომ კიევის სამ რაიონში - სვიატოშინის, პოდოლისა და შევჩენკოს რაიონებში ნაპოვნია დრონის ნამსხვრევები.
შევჩენკოს რაიონში ნამსხვრევები ჩავარდა მრავალსართულიანი სახლის ბინაში, რომლის ბინადრებმაც გაჩენილ ცეცხლის ჩაქრობა თავისი ძალებით მოახერხეს./
სვიატოშინის რაიონში ნამსხვრევები სოვკის პარკში ჩავარდა, სადაც ხანძარი გაჩნდა. ასევე კლიჩკოს განცხადებით, პოდოლის რაიონში დრონის ნამსხვრევები ღია სივრცეში ჩაცვივდა, დაშავდა ერთი ადამიანი.
უკრაინის შეიარაღებული ძალების გენშტაბის ინფორმაციით, რუსეთის ძალები უკრაინას „შაჰედის“ ტიპის 32 დრონით თავს დაესხა, მათ შორის 25 უკრაინის თავდაცვამ გაანადგურა. მათივე ცნობით, რუსული დრონების სამიზნე კიევის ოლქი იყო.
