ესპანეთის უმეტეს რგიონში კოკისპირული წვიმების გამო ხელისუფლება მოსახლეობას მოსალოდნელი წყალდიდობის შესახებ აფრთხილებს.
ესპანეთის ჩრდილო-აღმოსავლეთით მოქალქეებს სახლში დარჩენისკენ მოუწოდებენ.
სამაშველო სამსახურები მოსახლეობას ურჩევენ სახლების ზედა სართულებზე გადაინაცვლონ. ესპანეთის ჩრდილო-აღმოავლეთში მდებარე ქალაქ ალკანარეში, ადგილობრივმა ხელისუფლებამ ძლიერი წყალდიდობის რისკის გამო მოსახლეობას სახლების დატოვება აუკრძალა.
ბოლო 24 საათში ქალაქში დაფიქსირდა ძლიერი წვიმა, ნალექის რაოდენობამ კვადრატულ მეტრზე 215 ლიტრი შეადგინა. ამის გარდა, შეჩერებულია სარკინიგზო მიმოსვლა ვალენსიასა და ბარსელონას შორის.
სარაგოსაში ორი კაცი ხეობაში ლაშქრობის დროს დაიღუპა. თვითმხილველთა თქმით, ისინი წყალმა გაიტაცა. წვიმას თან ერთვის ძლიერი ქარიშხალი და სეტყვა.
ძლიერი ქარიშხლის შედეგად ხუთი ადამიანი დაიღუპა, არიან დაკარგულებიც. მადრიდის სამხრეთით, ტოლედოს პროვინციაში, მაშველებმა სამი კაცის ცხედარი იპოვეს.
ამასთან, მედიის ინფორმაციით, ეძებენ კაცს, რომელიც მეუღლესთან და ორ შვილთან ერთად მადრიდის რეგიონში მოგზაურობდა. მათი მანქანა მდინარე ალბერშეს წყალმა წაიღო, თუმცა დაკარგული მამაკაცის ოჯახის წევრებმა ავტომობილიდან გადასვლა შეძლეს. დაკარგულად მიიჩნევა კიდევ ორი ადამიანი.
სტიქიას ესპანეთის დასავლეთ ნაწილშიც ელოდებიან.
