უკრაინის პრეზიდენტმა, ვოლოდიმირ ზელენსკიმ განაცხადა, რომ მიიღო გადაწყვეტილება თავდაცვის მინისტრის, ოლექსი რეზნიკოვის თანამდებობიდან გათავისუფლების შესახებ. მისი თქმით, თავდაცვის მინისტრის თანამდებობას დაიკავებს რუსტემ უმეროვი.
„მინდა, აღვნიშნო, რომ გადავწყვიტე, შევცვალო უკრაინის თავდაცვის მინისტრი. ოლექსი რეზნიკოვმა სრულფასოვანი 550 დღე გაიარა, მასშტაბური ომი. ვფიქრობ, რომ სამინისტროს სჭირდება ახალი მიდგომები და ურთიერთობის სხვა ფორმატები, როგორც სამხედროებთან, ისე საზოგადოებასთან.
ახლა სამინისტროს რუსტემ უმეროვი უხელმძღვანელებს. უკრაინის უმაღლესი რადა კარგად იცნობს მას, ბატონ უმეროვს მეტი შესავალი არ სჭირდება. ველი, რომ პარლამენტი მხარს დაუჭერს მის კანდიდატურას. შემოდგომა – გაძლიერების დროა“, – აღნიშნა ზელენსკიმ.
რუსეტმ უმეროვი სახელმწიფო ქონების ფონდს ხელმძღვანელობდა.
გავრცელებული ინფორმაციით, ოლექსი რეზნიკოვი დიდ ბრიტანეთში, ელჩად დაინიშნება.
