3-15 სექტემბერს რიგაში ნატო-ს სამხედრო წვრთნები ჩატარდება, რომელშიც მონაწილეობას მიიღებს ნატო-ს წევრი ქვეყნებისა და შვედეთის მაღალი რანგის ოფიცრები.
წვრთნების მიზანია, გააუმჯობესოს ოფიცრებისა და მეთაურების უნარი, დაგეგმონ და ჩაატარონ ერთობლივი ოპერაციები.
წვრთნების პირველი ნაწილი - Steadfast Pyramid 2023 8 სექტემბრამდე ჩატარდება, რომელიც ორგანიზებულია ნატო-ს ტრანსფორმაციის სარდლობისა და ევროპაში ნატო-ს მოკავშირე ძალების უმაღლესი სარდლობის მიერ. მასში მონაწილეობას მიიღებენ მაღალი რანგის ოფიცრები.
მეორე ნაწილი 10-დან 15 სექტემბრამდე ჩატარდება და მოიცავს ოპერაციული დაგეგმვის სფეროში უფროსი მეთაურების მომზადებას.
წვრთნები Steadfast Pyramid და Steadfast Pinnacle ლატვიაში 2011 წლიდან ტარდება.
