ავსტრიის საგარეო საქმეთა მინისტრი ალექსანდრ შალენბერგი ფიქრობს, რომ ევროკავშირმა უნდა შეცვალოს მიდგომები მომავალი წევრების - უკრაინის, მოლდოვისა და დასავლეთ ბალკანეთის ქვეყნების მიღებასთან დაკავშირებით.
„გაფართოება არ არის ბიუროკრატიული მისწრაფება, ეს არ არის ლეგალური მისწრაფება, ეს არ არის ხელშეკრულებების ყველა მძიმისა და აბზაცის შესრულება - ეს არის ცხოვრების გარკვეული მოდელის, ღია, თავისუფალი დემოკრატიების გავრცელება და უზრუნველყოფა“, - განაცხადა შალენბერგმა.
მან გაიხსენა რა მიდგომები იყო ადრე, როდესაც 1981 წელს ევროკავშირში მიიღეს საბერძნეთი - რათა შეენარჩუნებინათ ახალგაზრდა დემოკრატია, როდესაც 1986 წელს მიიღეს პორტუგალია და ესპანეთი, რომელმაც 5 წლით ადრე გადატრიალების მცდელობა გადაიტანა.
"მაშინ ჩვენ გვესმოდა, რომ აუცილებელი იყო ამ ქვეყნებს გაეგოთ, რომ ისინი ჩვენი ოჯახის ღირებულებების ნაწილია. ჩვენ იგივე უნდა გავაკეთოთ ახლა - უკრაინასთან, მოლდოვასთან და დასავლეთ ბალკანეთთან", - განაცხადა ავსტრიის საგარეო საქმეთა მინისტრმა.
მისი თქმით, ქვეყნებს შეუძლიათ გახდნენ ევროკავშირის წევრები, კანონის ყველა ნაწილის შესრულების გარეშე.
მისივე განცხადებით, აქ საუბარია არა წესების შეცვლაზე, არამედ პოლიტიკურ ნებაზე.
„ჩვენ არ შეგვიძლია ლოდინი, რადგან თუ დაველოდებით, შეიძლება დავკარგოთ ეს რეგიონი. შეიძლება დავკარგოთ უკრაინა, დავკარგოთ დასავლეთ ბალკანეთი“, - თქვა მან.
