თეთრი სახლის ეროვნული უსაფრთხოების საბჭოს სტრატეგიული კომუნიკაციების კოორდინატორმა, ჯონ კირბიმ განაცხადა, რომ უკრაინის ჯარმა ბოლო დღეების განმავლობაში მნიშვნელოვან წარმატებას მიაღწია რუსი ოკუპანტების წინააღმდეგ უკრაინის სამხრეთით მიმდინარე კონტრშეტევისას.
კირბიმ აღნიშნა, რომ უკრაინის შეიარაღებულმა ძალებმა ზაპოროჟიედან სამხრეთით ბოლო 72 საათის განმავლობაში მნიშვნელოვან წინსვალს მიაღწიეს.
„მათ მიაღწიეს გარკვეულ წარმატებას რუსეთის თავდაცვვის მეორე ხაზის წინააღმდეგ“, - განუცხადა კირბიმ ჟურნალისტებს.
ამასთან, კირბიმ კომენატრი გააკეთა უკრაინის კონტრშეტევის კრიტიკაზე და აღნიშნა, რომ პარტნიორისა და მეგობრის კრიტიკა, რომელიც ცდილობს პროგრესის მიღწევას ძალადობრივი რეჟიმის წინააღმდეგ ბრძოლაში მიუღებელია.
ასევე კირბიმ აღნიშნა, რომ უკრაინელები თავად გადაწყვეტენ როგორ გამოიყენებენ ამ წარმატებას.
„ეს არ ნიშნავს, რომ მათ არ ახსოვთ მძიმე ბრძოლები, რომლებიც ელოდებათ სამხრეთით წინსვლის დროს. მათ ეს ყველაზე უკეთ იციან. ჩვენ კონცენტრირებულები ვართ, რათა დავრწმუნდეთ, რომ ისინი მზად არიან წინსვლისთვის, რომ მათ აქვთ აუცილებელი ისნტრუმენტები, მეთოდები, წვრთნები და შესაძლებლობები ამ პროგრესისთვის“, - განაცხადა კირბიმ.
მისივე თქმით, არსებობს ალბათობა იმისა, რომ რუსეთს უკრაინის პროგრესზე რეაგირება ექნება.
„ამიტომ მნიშვნელოვანია, რომ უკრაინას ჰქონდეს ყველაფერი, რაც მას სჭირდება არა მხოლოდ წინსვლისთვის, არამედ ჰქონდეს საშუალება ეფექტურად უპასუხოს რუსეთის ნებისმიერ კონტრშეტევით მოქმედებას“, - განაცხადა კირბიმ.
