რუსეთის პრეზიდენტი ვლადიმირ პუტინი სოჭში თურქეთის პრეზიდენტს, რეჯეფ თაიფ ერდოღანს 4 სექტემბერს შეხვდება. ამის შესახებ ჟურნალისტებს რუსეთის პრეზიდენტის პრესმდივანმა, დმიტრი პესკოვმა განუცხადა.
„მოლაპარაკებები გაიმართება ორშაბათს, სოჭში“, – განაცხადა დმიტრი პესკოვმა.
მედიის ცნობით, თურქეთის მთავრობის ადმინისტრაციაში რეჯეფ თაიფ ერდოღანის სოჭში ვიზიტის შესახებ ინფორმაციას ადასტურებენ, თუმცა ზუსტ თარიღს არ ასახელებენ.
მოსალოდნელია, რომ შეხვედრაზე თურქეთისა და რუსეთის ლიდერები გაერო-ს მიერ მხარდაჭერილი „შავი ზღვის მარცვლეულის შეთანხმების“ აღდგენის საკითხს განიხილავენ.
