ომი რუსეთის ტერიტორიაზე უნდა გადავიდეს, რაც ფართომასშტაბიანი იქნება იქ ოპერაციები, მით უკეთესი, - ამის შესახებ უკრაინის თავდაცვის სამინისტროს დაზვერვის მთავარი სამმართველოს მეთაურმა კირილო ბუდანოვმა განაცხადა. მან უპასუხა ჟურნალისტის შეკითხვას, რა აზრისაა რუსეთის ტერიტორიაზე საომარი მოქმედებების გადატანასთან დაკავშირებით და ამის გამო უკრაინა ხომ არ დარჩება დახმარების გარეშე.
„ჩემი აზრით, შესანიშნავი იდეაა, ჩვენ არ ვმუშაობთ იმ მეთოდებით, როგორც მუშაობს რუსეთი, ამიტომ ამის ერთმანეთთან შედარება აბსოლუტურად არასწორია. ომი უნდა გადავიდეს სხვა ტერიტორიაზე, რომელიც ყველასთვის ცხადია, რომ ეს რუსეთია და სხვა ტერიტორიებზე, რომელიც მათი გავლენის ქვეშაა“, - განაცხადა ბუდანოვმა.
ბუდანოვის განცხადებით, ფსკოვის აეროდრომზე იერიში, რომლის შედეგედაც განადგურდა და დაზიანდა ილ-76-ის ტიპის რამდენიმე თვითმფრინავი, რუსეთის ტერიტორიიდან განხორციელდა.
მან ასევე აღნიშნა, რომ რუსეთს სურს რევანშის აღება ომში უკრაინის გამარჯვების შემდეგაც.
მისივე თქმით, რუსეთს შეუძლია 450 ათასი ადამიანის მობილიზება, მაგრამ ეს საშიში არ არის, ბუდანოვმა აღნიშნა, რომ რუსეთი მობილიზაციის რაც უფრო მეტ ტალღას განახორციელებს, მით დაბალი იქნება მობილიზებულთა ხარისხი.
