აშშ-ის ყოფილი პრეზიდენტი დონალდ ტრამპი ჯორჯიის შტატში 2020 წლის არჩევნების შედეგების გაყალბების საქმეზე თავს დამნაშავედ არ ცნობს და ფულტონის ოლქის სასამართლოს წინაშე პირადად არ წარდგება. იუწყება AP
ტრამპსა და სხვა 18 ბრალდებულს ჯორჯიის შტატში სისხლის სამართლის საქმეებზე ოფიციალურად ბრალი 6 სექტემბერს წარედგინება.
გასულ კვირას ყოფილი პრეზიდენტი ატლანტაში ფულტონის ოლქის ციხეში ნებაყოფლობით გამოცხადდა, სადაც მას პატიმრის ანკეტა შეუვსეს, ანაბეჭდები აუღეს და ფოტო გადაუღეს. დონალდ ტრამპი 200 ათასი დოლარის ოდენობის გირაოს სანაცვლოდ გაათავისუფლეს.
დონალდ ტრამპი დანაშაულის უარყოფს და მის წინააღმდეგ სისხლის სამართლის ოთხივე საქმეს პოლიტიკურად მოტივრებულად მიიჩნევს.
