უკრაინის თავდაცვის მინისტრს ოლექსი რეზნიკოვს უახლოეს ხანებში თანამდებობიდან გაათავისუფლებენ, მის ადგილს კი სავარაუდოდ, სახელმწიფო ქონების ფონდის ხელმძღვანელი რუსტემ უმეროვი დაიკავებს.
ინფორმაციას უკრაინული მედია ავრცელებს.
პარლამენტმა, სავარაუდოდ, მოქმედი მინისტრის გათავისუფლების საკითხი მომდევნო კვირას უნდა განიხილოს.
უმაღლესი რადა თავდაცვის მინისტრს ნიშნავს და ათავისუფლებს პრეზიდენტის რეკომენდაციით. მანამდე კი მოვალეობას თავდაცვის მინისტრის მოადგილე ოლექსანდრ პავლიუკი შეასრულებს.
უკრაინული მედია წყაროზე დაყრდნობით, წერს, რომ რეზნიკოვი დიდ ბრიტანეთში უკრაინის ელჩად განიხილება.
