ევროკავშირი მიმიდნარე წელს ახორციელებს გათხევადებული ბუნებრივი აირის რეკორდული მოცულობის იმპორტს რუსეთიდან, მიუხედავად იმისა, რომ ევროკავშირი მიზნად ისახავს 2027 წლისთვის რუსულ წიაღისეულ საწვავზე ეტაპობრივად უარის თქმას. იუწყება Financial Times.
მიმდინარე წლის პირველ შვიდ თვეში ბელგია და ესპანეთი იყვნენ მეორე და მესამე უმსხვილესი რუსული თხევადი ბუნებრივიაირის მყიდველები ჩინეთის შემდეგ.
საერთო ჯამში, ევროკავშირში გათხევადებული აირის იმპორტი 40%-ით გაიზარდა მიმდინარე წლის იანვარ-ივლისში 2021 წლის ანალოგიურ პერიოდთან შედარებით, ანუ უკრაინაში რუსეთის სრულმასშტაბიანი შეჭრამდე.
გამოცემა განმარტავს, რომ იმპორტის ზრდა გამოწვეულია იმით, რომ ევროკავშირი ომამდე არ ყიდულობდა გათხევადებული გაზის მნიშვნელოვან მოცულობებს, რადგან დამოკიდებული იყო რუსეთიდან ბუნერბივი აირის მიწოდებაზე.
„შოკის მომგვრელია, რომ ქვეყნები ევროკავშირში მუშაობდნენ ამდენს, რათა უარი ეთქვათ მილსადენით მიწოდებულ რუსულ გაზზე მხოლოდ იმისთვის, რომ ჩაენაცვლებინათ ის ტრანსპორტირებულით. არ აქვს მნიშვნელობა, მიიღებ მას მილსადენით თუ ხომალდით – ეს მაინც ნიშნავს, რომ ევროპული კომპანიები მილიარდებს აგზავნიან პუტინის სამხედრო ბიუჯეტში“, – განაცხადა Global Witness წარმომადგენელმა, ჯონათან ნორონია-განტმა.
აღნიშნულია, რომ ესპანურ კომპანია Naturgy-სა და ფრანგულ კომპანია Total-ს ასევე აქვთ მიმდინარე კონტრაქტები რუსული გათხევადებული აირის დიდ მოცულობებზე.
