უკრაინელი სამხედროები აგრძელებენ წინსვლას ბახმუტის მიმართულებით. ამავე დროს რუსეთის საოკუპაციო ძალები, რომლებიც ბახმუტში იმყოფებიან, ხაფანგში აღმოჩნდნენ და ქალაქიდან გასვლას ვერ ახერხებენ.
„რაც შეეხება აღმოსავლეთს - ახალი ამბები გვაქვს - ბახმუტის მიმართულებით წინ მივიწევთ. ეს არის ის, რაც მტერს ყველაზე მეტად აზიანებს. ამიტომ ისინი ცდილობენ ჩვენი ძალისხმევა გადაიტანონ სხვა მიმართულებებზე“, - განაცხადა ტელემარათონის დროს უკრაინის თავდაცვის მინისტრის მოადგილემ ჰანა მალიარმა.
მისი თქმით, უკრაინელი სამხედროები სამხრეთის ფლანგზე წინ მიიწევენ.„ჩვენ უკვე გავედით უმეტეს დომინანტურ სიმაღლეზე და მტერი იქ ხაფანგშია, რადგან ბახმუტიდან ვერ გადიან და თავად ქალაქშიც სრულყოფილად გადაადგილებას ვერ ახერხებენ. ბრძოლები გრძელდება კლეშიოვაკში, კურდიუმოვკაში, ანდრეევკაში. წინასწარ ვერ ვილაპარაკებთ. ნელ-ნელა წინ მივიწევთ და გავქვს წარმატებები“, - განაცხადა მალიარმა.
