რუმინეთში ბენზინგასამართ სადგურზე მომხდარი ორი აფეთქების შედეგად ერთი ადამიანი დაიღუპა, ხოლო 46 დაშავდა. დაშავებულებს შორის 26 მეხანძრეა.
რვა დაშავებულის მდგომარეობა მძიმეა, იგეგმება მათი საზღვარგარეთ საავადმყოფოში გადაყვანა.
ტერიტორიიდან 700 მეტრის რადიუსში ხალხის ევაკუაცია განხორციელდა, რადგან არსებობდა სხვა ტანკერების აფეთქების რისკიც.
ინციდენტთან დაკავშირებით, დაწყებულია გამოძიება.
