პირველი სექტემბრიდან, პარიზში მოქალქეები ელექტროსკუტერების დაქირავებას ვეღარ შეძლებენ.
ტელერახ RTBF-ის ცნობით, პარიზის მერია აღარ გააგრძელებს სამ კერძო კომპანიასთან კონტრაქტს, რომლებმაც აღნიშნული სატრანსპორტო საშუალების პარკი განავითარეს. ამრიგად, პარიზი გახდება პირველი ევროპული დედაქალაქი, სადაც მოსახლეობისთვის ელექტროსკუტერებით მომსახურება აიკრძალება.
ამ მომსახურების მიმწოდებლებმა პარიზის ქუჩებიდან აგვისტოს ბოლომდე უნდა აიღონ ელექტროსკუტერები.
გადაწყვეტილება დაეფუძნა რეფერენდუმს, რომელიც ელექტროსკუტერებით სარგებლობას ეხებოდა. რეფერენდუმში, რომელიც 2 აპრილს გაიმართა, მონაწილეობა მიიღო 100 ათასზე მეტმა პარიზელმა. ელექტროსკუტერების აკრძალვას მხარი დაუჭირა 89%-მა.
რეფერენდუმის გამართვის მიზეზი გახდა პრობლემები, რომლებიც ქალაქის მასშტაბით მიმოფანტულმა ელექტროსკუტერებმა გამოიწვია, მთავარი მიზეზი კი მომხმარებლების უსაფრთხოება იყო.
კომპანიებმა რეფერენდუმთან დაკავშირებით უკმაყოფილება გამოთქვეს. მათი განცხადებით, დაბალი იყო გამოკითხვაში მონაწილეთა მაჩვენებელი, რომელმაც -7,4 პროცენტი შეადგინა. მათივე აზრით, რეფრენდუმში აქტიურობა გაცილებით მაღალი იქნებოდა, მეტი საარჩევნო უბანი რომ გაეხსნათ, ასევე მოქალაქეებს ელექტრონულ კენჭისყრაში მონაწილეობის შესაძლებლობა რომ ჰქონოდათ, როგორც კონტრქტორი კომპანიები აცხადებენ, არც მოსახლეობა იყო სათანადოდ ინფორმირებული.
