რუსეთის საოკუპაციო ძალებმა კიევზე სარაკეტო იერიში მიიტანეს. კიევის საქალაქო სამხედრო ადმინისტრაციის ხელმძღვანელმა სერჰი პოპკომ რუსეთის სარაკეტო თავდასხმის შესახებ წინასწარი ინფორმაცია გაავრცელა.
მისი მონაცემებით, რუსულმა სტრატეგიული ავიაციის თვითმფრინავებმა კასპიის ზღვიდან უკრაინის მიმართულებით Х-101/555/55-ის ტიპის ფრთოსანი რაკეტები გაუშვეს.
„მტრის სამიზნეები, რომლებიც კიევისკენ მიემართებოდნენ საჰაერო თავდაცვის ძალებმა გაანადგურეს. ამ მომენტისთვის კიევში მსხვერპლი და ნგრევა არ არის“, - თქვა პოპკომ.
რაკეტების რაოდენობისა და დაზიანებების შესახებ ზუსტი ცნობები ჯერ არ გავრცელებულა. საჰაერო განგაში უკრაინის მთელ ტერიტორიაზე უკვე გაუქმდა.
