უკრაინის დაზვერვისა და უსაფრთხოების სამსახურის ძალები დრონებით თავს დაესხნენ რუსეთის შავი ზღვის ფლოტის 126-ე ბრიგადას, რომელიც ბაზირებულია ანექსირებული ყირიმის სოფელ პერევალნოეში. დაღუპული და დაშავებულია რამდენიმე ათეული რუსი სამხედრო.
ამის შესახებ „უკრაინსკა პრავდას“ უკრაინის უსაფრთხოების სამსახურის წყარომ განუცხადა.
წყაროს დრონების რაოდენობა არ დაუსახელებია, თუმცა აღნიშნა, რომ ეს იყო უპილოტო საფრენი აპარატების ჯგუფი.
ასევე განადგურდა საბრძოლო მასალების საცავი.
სერიოზულად დაზიანდა სამხედო ტექნიკაც.
წყაროს ცნობით, ოკუპანტები მზად არ აღმოჩნდნენ უკრაინის უსაფრთხოების სამსახურისა და შეიარაღებული ძალების სპეცოპერაციისათვის. „ჩვენმა უპილოტო საფრენმა აპარატებმა მტრის დაცვის ყველა სისტემას გვერდი აუარეს“, - უთხრა წყარომ გამოცემას.
როგორც უკრაინული მედია აღნიშნავს, უკრაინის უსაფრთხოების სამსახურს ოკუპანტებისთვის კიდევ ბევრი „სიურპრიზი აქვს მომზადებული.
