“რუსეთის მოხალისეთა კორპუსმა“, რომელიც უკრაინის მხარეს იბრძვის,  კერძო სამხედრო კომპანია „ვაგნერის“ მებრძოლებისადმი ვიდოემიმართვა გაავრცელა. 

„რუსეთის მოხალისეთა კორპუსის“ ლიდერი დენის ნიკიტინი (კაპუსტინი) მებრძოლებს მოუწოდებს, მათ ვისაც ომის დანაშაულები არ აქვს ჩადენილი, უკრაინის მხარეს გადავიდნენ. ამის შესახებ რუსული გამოცემა „მედუზა“ იუწყება.

„მივმართავ კერძო სამხედრო კომპანია „ვაგნერის“ მებრძოლებს, ვისთვისაც ღირსებას ჯერ კიდევ აქვს აზრი. როგორც ჩანს, გუშინ ცინიკურად სიკვდილით დასაჯეს თქვენი მამა-დამფუძნებელი და მეთაურები.

თქვენც მშვენივრად იცით, ვინ დგას ამის უკან. ამიტომ ახლა თქვენ დგახარათ სერიოუზლი არჩევანის წინაშე: ან დადგეთ რუსეთის თავდაცვის სამინისტროს სადგომში და ემსახუროთ თქვენი მეთაურების ჯალათებს, ან შური იძიოთ.

იმისათვის, რომ შური იძიოთ, უნდა გადახვიდეთ უკრაინის მხარეს. თუ თქვენ არ ჩაგიდენიათ ომის დანაშაულები, გიწვევთ ჩვენს რიგებში. მოდით, ერთად დავამთავროთ „სპეცილური სამხედრო ოპერაციის“ სისხლიანი ხორცსაკეპი, შემდეგ კი გავემართოთ მარშით მოსკოვზე.

და ამ ჯერზე არ გავჩერდებით 200 კილომეტრში მოსკოვის ავტომაგისტრალიდან, არამედ წავალთ ბოლომდე“, - ამბობს ნიკიტინი ვიდეომიმართვაში.

ტელეგრამ არხებში „რუსეთის მოხალისეთა კორპუსის“ მებრძოლები წერენ, რომ თუ „ვაგნერელები“ უკრაინელების მხარეს გადავლენ, უკრაინის თვადცვის სამინისტრო მათ უსაფრთხოების გარანტიებს მისცემს. უკრაინის ხელისუფლებას ამასთან დაკავშირებით კომენტარი არ გაუკეთებია.