უკრაინის საჰაერო ძალების ინფორმაციით, 25 აგვისტოს ღამით, ოდესის ოლქის მიმართულებით გაშვებული ოთხი რუსული რაკეტა გაანადგურეს.
უწყების ცნობით, რუსეთმა შავი და აზოვი ზღვების აკვატორიიდან საჰაერო და საზღვაო ბაზირების რაკეტებით დარტყმები განახორციელა.
კერძოდ, სამხრეთ ოლქების მიმართულებით რუსეთმა Х-59-ის ტიპის ორი საავიაციო და „კალიბრის“ ტიპის ორი ფრთოსანი რაკეტა გაუშვა.
გარდა ამისა, საჰაერო ძალებში აცხადებენ, რომ რუსეთის ძალებმა დნიპროპეტროვსკისკენ გაუშვეს „შაჰიდის“ კამიკაძე-დრონი. ხუთივე სამიზნე უკრაინის საჰაერო ძალების მიერ განადგურებულია.
