ტყის ხანძრები ესპანეთის კუნძულ ტენერიფეზე, რომელიც კანარის კუნძულებს ეკუთვნის, მეხანძრეების ძალისხმევის მიუხედვად, რომლებიც სტიქიას უკვე მეოთხე დღეა ებრძვიან, უკონტროლო ხდება.
ამის შესახებ კანარის კუნძულების საბჭოს ხელმძღვანელმა ფერნანდო კლავიხომ განაცხადა. იუწყება DPA.
მისი თქმით, ხანძარმა 8 400-მდე ჰექტარი მოიცვა. მისივე თქმით, კარგი სიახლეა ის, რომ სამხრეთით ხანძარი სტაბილურია, თუმცა საერთო ჯამში ხანძარს ერთ-ერთი ყველაზე მასშტაბური და რთული უწოდა ტენერიფეზე ბოლო 40 წლის განმავლობაში.
როგორც ესპანეთის შინაგან საქმეთა მინისტრმა ფერნანდო გრანდე-მარლასკამ განაცხადა, „იმედია, რომ უხალოეს რამდენიმე დღეში, თუ ამინდის მხრიდან ხელშეწყობა იქნება, ხანძარს კონტროლქვეშ აიყვანენ“.
ადგილობრივი ხელისუფლების მონაცემებით, საცხოვრებელი სახლები 26 ათასმა ადამიანმა დატოვა. დაშავებულებისა და განადგურებული სახლების შესახებ ინფორმაცია არ ვრცელდება. ოფიციალური ინფორმაციის თანახამდ, ტურისტულ რაიონებში ცხოვრება ამ დრომდე ჩვეულ რეჟიმში გრძელდებოდა.
ხანძარი 15 აგვისტოს მთაში,. ეროვნულ პარკში, ჰაერის მაღალი ტემპერატურის ფონზე გაჩნდა.
