შვედეთი ამზადებს უკრაინისთვის მორიგ, მე-13 სამხედრო დახმარების პაკეტს, რომლის ღირებულებაც 287 მლნ ევრო იქნება. ამის შესახებ „უკრაინსკა პრავდა“ SVT-ზე დაყრდნობით იუწყება.
შვედეთის თავდაცვის მინისტრმა პოლ იონსონმა პრესკონფერენციაზე განაცხადა, რომ მთავრობა უკრაინისთვის 3,4 მლრდ შვედური კრონის (დაახლოებით 287 მლნ ევრო) ღირებულების სამხედრო დახმარების გადაცემას გეგმავს.
დახმარების პაკეტში შედის საბრძოლო მასალა და სათადარიგო ნაწილები Stridsfordon 90-სა და Archer-ის სისტემებისთვის, ასევე აღჭურვილობა განაღმვის საშუალებებისთვის.
მინსიტრმა იმედი გამოთქვა, რომ საკანონმდებლო ორგანო დახმარების პაკეტს მიმდინარე კვირაში დაამტკიცებს.
მინისტრის თქმით, მნიშვნელოვანია, უკრაინის საჰაერო თავდაცვის მხარდაჭერა, ამასთან დაკავშირებით ის მთავრობას სთავაზობს აშშ-ს მიჰყიდონ AMRAAM-ის ტიპის რაკეტები, რათა შემდეგ იისნი უკრაინას გადაეცეს.
