არც ერთი დღე არ გადის ისე, რომ რუსულმა ბოროტებამ ჩვენგან არ მიიღოს სამართლიანი პასუხი, – ამის შესახებ უკრაინის პრეზიდენტმა, ვოლოდიმირ ზელენსკიმ ყოველდღიურ მიმართვაში განაცხადა.
„დღეს რუსი დამპყრობლები სასტიკად დაესხნენ თავს ხერსონის რაიონს. არიან დაღუპულები და დაჭრილები. დაღუპულებს შორის არის 22 დღის გოგონა. დაღუპულია ბავშვის დედაც. ჩვენი მეომრები სამაგიეროს უხდიან ოკუპანტების ტერორს. არ გადის არც ერთი დღე, რომ რუსულმა ბოროტებამ არ მიიღოს ჩვენგან სამართლიანი პასუხ. ყველა განადგურებული ოკუპანტი, დამწვარი რუსული ტექნიკა, ცეცხლი მათ შტაბსა და საწყობებში, კვამლი ქერჩის ხიდზე და სხვა – ეს ყველაფერი მოწმობს, რომ რუსეთის არც ერთ დანაშაულს უპასუხოდ არ დავტოვებთ“, – განაცხადა ზელენსკიმ.
უკრაინის პრეზიდენტმა მადლობა გადაუხადა უკრაინის დამცველებს გმირული ბრძოლისთვის, ამასთან აღნიშნა, რომ უკრაინა ყოველდღე უახლოვდება სამართლიანობის აღდგენასა და გამარჯვებას.
„ყოველთვის გვაქვს საბაბი, რისთვისაც მადლობა უნდა გადავუხადოთ ჩვენს მეომრებს. უკრაინა უახლოვდება სამართლიანობას, უახლოვდება გამარჯვებას და რუსი მკვლელები ჩვენს მიწაზე უახლოვდებიან განადგურებას. რუსმა ტერორისტებმა მხოლოდ ერთი რამ უნდა იგრძნონ: ისინი განადგურდებიან.
უკრაინელი ხალხი უაღრესად გაბედული და მამაცია, ჩვენ ვიცით, რომ თავისუფლება შეუფასებელია და შეგვიძლია მისი დაცვა. შეგვიძლია სიცოოცხლის დაცვა. და უნდა გვახსოვდეს, რომ ყოველმა დღემ უნდა მოგვიტანოს შედეგი უკრაინის დაცვაში. არც ერთი უშედეგო დღე! ფრონტზე, ფრონტისპირა რაიონებში, ყველგან, ზურგში - თოთოეულისგან ეს ძალიან მნიშვნელოვანია, მხოლოდ ამ გზით შეგვიძლია, შევქმნათ პირობები, რომ მთელი უკრაინა კვლავ გახდეს თავისუფალი და უსაფრთხო“, - განაცხადა ვოლოდმირ ზელენსკიმ.
