გერმანული კონცერნი Rheinmetall 2023 წლის ბოლომდე უკრაინას Luna NG ტიპის თანამედროვე სადაზვერვო უპილოტო საფრენ აპარატებს გადასცმს. ამის შესახებ გამოცემა Bild am Sonntag წყაროზე დაყრდნობით იუწყება. დაზვერვის ფუნქციის გარდა, უპილოტო საფრენ აპარატს შეუძლია ჩაახშოს და გადაჭრას საკომუნიკაციო კავშირები. გამოცემა ახალი თაობის უპილოტო საფრენ აპარატს სუპერდრონებს უწოდებს, რომლებსაც შეუძლიათ „დანახვა და მოსმენა“.
მიწოდების პაკეტში შედის მართვის სახმელეთო სადგური რამდენიმე უპილოტო საფრენი აპარატითა და გაშვების კატაპულტი. უპილოტო საფრენი აპარატი იწონის 40 კგ-ს, მისი ფრენის დრო შეადგენს დაახლოებით 8 საათს. Rheinmetall-ის ვებგვერდზე განთავსებული ინფორმაციის თანახმად, აპარატი ასრულებს დავალებებს 100 კმ-მდე მანძილზე და 5 კმ-მდე სიმაღლეზე.
