რუსეთის პრეზიდენტის, ვლადიმირ პუტინის განკარგულებით, ყველა მაღალჩინოსანი მხოლოდ რუსული წარმოების ავტომობილებით უნდა გადაადგილდეს. ამის შესახებ რუსეთის პრეზიდენტმა მრეწველობის სფეროს წარმომადგენლებთან შეხვედრისას განაცხადა.
მისი თქმით, სამინისტროები და უწყებები ითხოვენ, გაგრძელდეს უცხოური წარმოების ავტომობილების შეძენა, რაც სრულიად გამორიცხული უნდა იყოს. მისივე თქმით, ქვეყნის ყველა მაღალჩინოსანმა სამამულო წარმოების ავტომობილებით უნდა იაროს, რადგან ეს უფრო „მოკრძალებული“ იქნება.
„პირიქით, ეს კარგიცაა. ჩვენს შესანიშნავ მაღალჩინოსნებს უდა ესმოდეთ, რომ საჭიროა ეროვნული ბრენდების განვითარებისკენ მისწრაფება, და ცხოვრების ხარისხის ამაღლება ამისკენ უნდა იყოს მიმართული”, - აღნიშნა პუტინმა.
