ნატო-ს გენერალური მდივანი იენს სტოლტენბერგი დათანხმდა უკრაინის მოთხოვნას, მოიწვიოს ახალშექმნილი ნატო-უკრაინის საბჭოს სხდომა ბოლო მოვლენებთან დაკავშირებით კონსულტაციებისთვის, – ამის შესახებ ინფორმაციას ნატო-ს პრესმდივანი, ოანა ლუნგესკუ ავრცელებს.
ნატო-უკრაინის საბჭოს სხდომა 26 ივლისს, დიპლომატების დონეზე გაიმართება.
საბჭოზე შავი ზღვის გავლით უკრაინული მარცვლეულის ტრანსპორტირების შესახებ იმსჯელებენ.
მანამდე უკრაინის პრეზიდენტმა, ვოლოდიმირ ზელენსკიმ ნატო-ს გენერალურ მდივან იენს სტოლტენბერგს მიმართა წინადადებით, დაუყოვნებლივ მოიწვიოს უკრაინა-ნატოს საბჭო, შავ ზღვაში რუსეთის აგრესიული ქმედებების გამო.
