ტურისტების ყირიმის დატოვებას ცდილობენ. ხერსონის ოლქში, რუსეთის მიერ ოკუპირებულ ტერიტორიაზე ხუთკილომეტრიანი საავტომობილო საცობია. ინფორმაციას რუსული მედია ავრცელებს.
მედიის ცნობით, ტურისტები ყირიმის დატოვებასდა მელიტოპოლის მიმართულებით გადაადგილებას ცდილობენ. ტურისტული ავტობუსებისთვის ღიაა საბორნე გადასასვლელი და ასევე არსებობს ჰიბრიდული მარშრუტი, რომელიც გულისხმობს ელექტრომატარებლით მგზავრობასაც.
ღამით ყირიმის ხიდზე აფეთქება მოხდა. რუსული მედიის ინფორმაციით, შედეგად დაიღუპა ორი ადამიანი და ერთი დაშავდა. მომხდარის გამო ყირიმის ხიდზე შეწყვეტილი იყო ტრანსპორტის გადაადგილება. რუსეთში აფეთქებას ტერორისტული თავდასხმა უწოდეს.
უკრაინული მედიის ცნობით, ყირიმის ხიდზე თავდასხმა უკრაინის უსაფრთხოების სამსახურისა და უკრაინის შეიარაღებული ძალების სპეცოპერაცია იყო. მათივე ცნობით, იერიში წყალზედა დრონებით განხორციელდა.
