ევროკომისიის პრეზიდენტი ურსულა ფონ დერ ლაიენი გმობს რუსეთის გადაწყვეტილებას „მარცვლეულის შეთანხმებიდან“ გასვლის შესახებ.
„მტკიცედ ვგმობ რუსეთის ცინიკურ ნაბიჯს შეაჩეროს „შავი ზღვის მარცვლეულის შეთანხმება“, გაეროსა და თურქეთის ძალისხმევის მიუხედავად“, - წერს ფონ დერ ლაიენი Twitter-ში.
მისი თქმით, ევროკავშირი მუშაობს მსოფლიოს მოსახლეობის დაუცველი ფენების სასურსათო უსაფრთხოების უზრუნველსაყოფად. „ევროკავშირის „სოლიდარობის მარშრუტი“ გააგრძელებს აგროსასურსათო პროდუქტების ექსპორტს უკრაინიდან და მსოფლიო ბაზრებზე“, - ამბობს ევროკომისიის პრეზიდენტი.
