ბრიუსელში აზერბაიჯანის პრეზიდენტ ილჰამ ალიევის, სომხეთის პრემიერ-მინისტრ ნიკოლ ფაშინიანისა და ევროპული საბჭოს პრეზიდენტ შარლ მიშელის სამმხრივი შეხვედრა მიმდინარეობს.
ლიდერები წინა მოლაპარაკებების შედეგად მიღწეული შეთანხმებების რეალიზაციის საკითხებს განიხილავენ.
უკანასკნელ ხანს ბაქოდან და ერევნიდან გარკვეული გზავნილები ისმის, რომ მხარეები სამშვიდობო შეთანხმების გაფორმებასთან ახლოს არიან.
შეხვედრის დაწყებამდე შარლ მიშელმა, ალიევსა და ფაშინიანთან ცალ-ცალკე შეხვედრა გამართა.
