შესანიშნავია იმის ყურება, თუ რა სისწრაფით ახორციელებს უკრაინა რეფორმებს ომის მიუხედავად. დარწმუნებული ვარ, რომ თუ ისინი ამავე სისწრაფით გააგრძელებენ სვლას ევროკავშირისკენ, ეს იქნება მაგალითი, თუ როგორ შეიძლება, ქვეყანამ მოთხოვნების დაკმაყოფილების შემთხვევაში, მიაღწიოს ამ სურვილს“, - ამის შესახებ ევროკომისიის პრეზიდენტმა ურსულა ფონ დერ ლაიენმა განაცხადა.
ვილნიუსში ნატო-ს სამიტზე ფონ დერ ლაიენმა აღნიშნა, რომ როგორც ევროკომისიის პრეზიდენტს არ შეუძლია კომენტარის გაკეთება ნატო-ში უკრაინის გაწევრიანებაზე, თუმცა ხაზი გაუსვა კიევის წარმატებებს ევროკავშირისკენ გზაზე.
მისი თქმით, უკრაინის სისწრაფე ევროკავშირის წევრობისკენ გზაზე, გასაოცარია.
ამასთან, როგორც ფონ დერ ლაიენმა აღნიშნა, ევროკავშირი უკრაინასთან ერთად მუშაობს რეფორმების გასატარებლად და მისი თქმით, ევროკავშირს შეუძლია, შეიტანოს მნიშვნელოვანი წვლილი უკრაინის სურვილში, იყოს არა მხოლოდ ევროკავშირის წევრი, არამედ გახდეს ნატო-ს წევრი.
„ომის დაწყების დღიდან ჩვენ უკრაინის გვერდით ვართ და ვუცხადებთ ფინანსურ მხარდაჭერას, ვთავაზობთ თავშესაფრებს. ჩვენ შეგვიძლია, შევიტანოთ მნიშვნელოვანი წვლილი უკრაინის სურვილში, იყოს არა მხოლოდ ევროკავშირის წევრი, არამედ გახდეს ნატო-ს წევრი.
ამისთვის ვატარებთ რეფორმებს, ვაძლიერებთ ინსტიტუტებს, მაგალითად, ვიბრძვით კორუფციის წინააღმდეგ. ევროკავშირი უკრაინასთან ერთად მუშაობს ამ რეფორმების გასატარებლად. შესანიშნავია იმის ყურება, თუ რა სისწრაფით ახორციელებს უკრაინა ამ რეფორმებს ომის მიუხედავად. დარწმუნებული ვარ, რომ თუ ისინი ამ სისწრაფით გააგრძელებენ სვლას, ეს იქნება მაგალითი, თუ როგორ შეიძლება, ქვეყანამ მოთხოვნების დაკმაყოფილების შემთხვევაში, მიაღწიოს ამ სურვილს“, – განაცხადა ურსულა ფონ დერ ლაიენმა.
