გერმანია უკრაინას სამხედრო დახმარების ახალ პაკეტს გადასცემს, რომლის ღირებულებაც 600 მლნ ევროა. ამის შესახებ გამოცემა Spiegel წყაროზე დაყრდნობით იუწყება.
ახალი პაკეტი მოიცავს საჰაერო თავდაცვის სისტემებს, ქვეითთა საბრძოლო მანქანებს, ჭურვებსა და დრონებს.
პაკეტის გამოყოფის შესახებ დღეს, ვილნიუსში ნატო-ს სამიტზე გამოცხადდება. ამ დახმარებით ბერლინი ცდილობს აჩვენოს, რომ გერმანია რჩება იმ ქვეყნებს შორის, რომლებიც უკრაინას უდიდეს მხარდაჭერას უწევენ.
Spiegel-ის ცნობით, ახალ პაკეტში ასევე შედის Patriot-ის რამდენიმე გამშვები დანადგარი და „მიწა-ჰაერის“ სხვა შეიარაღება ბუნდესვერის საცავებიდან.
გარდა ამისა, Marder-ის ტიპის ქვეითთა საბრძოლო მანქანები, Leopard 1-ი ტიპის ტანკები, განაღმვის მოწყობილობები, 20 ათასამდე საარტილერიო ჭურვები და ჭურვები Leopard-ის ტანკებისთვის, ასევე რამდენიმე უპილოტო საფრემი აპარატი დაზვერვისთვის.
ამასთან, სააგენტო dpa წყაროებზე დაყრდნობით იტყობინება, რომ სამხედრო პაკეტის ღირებულება უფრო მეტი - თითქმის 700 მლნ ევროს ღირებულებისაა.
