უკრაინული მედიის ცნობით, რუსეთი „შაჰედის“ ტიპის უპილოტო საფრენი აპარატებით თავს დაესხა უკრაინის ქალაქ ოდესის პორტს, დაზიანდა მარცვლეულის ტერმინალი.
ოდესის რეგიონული სახელმწიფო ადმინისტრაციის ცნობით, ოდესაზე თავდასხმის შედეგად დაზიანებულია ოდესის პორტი, ორი უპილოტო საფრენი აპარატი მოხვდა პორტის ადმინისტრაციულ შენობას.
ადმინისტრაციის ინფორმაციით, სამხრეთის საჰაერო თავდაცვის ძალებმა 22 უპილოტო საფრენი აპარატი გაანადგურეს.
მანამდე რუსეთის საგარეო საქმეთა სამინისტროში განაცხადეს, რომ შეუძლებლად მიაჩნიათ შავი ზღვის მარცვლეულის ინიციატივის გაგრძელება, რომელიც გასულ ზაფხულს დაიდო უკრაინის პორტებიდან მარცვლეულის ექსპორტისთვის.
