სრულმაშტაბიანი ომის 500 დღის განმავლობაში რუსეთმა უკრაინაში ვერცერთ დასახულ მიზანს მიაღწია. ამის შესახებ ნათქვამია ომის შემსწავლელი ინსტიტუტის (ISW) მორიგ ანგარიშში.
„500 დღის წინ რუსეთმა დაიწყო არაპროვოცირებული დამპრობლური ომი უკრაინის წინააღმდეგ. რუსი სამხედროები გეგმავდნენ სამ დღეში კიევის აღებას, მაგრამ ვერ შეძლეს ვერც ერთი დასახული მიზნისთვის მიღწევა.
“უკრაინელების მტკიცე და გონივრულმა წინააღმდეგობამ შეაჩერა რუსეთის მრავალრიცხოვანი შეტევა, მათ შორის კიევზე და გაათავისუფლა სუმისა და ჩერნიჰივის ოლქები, ასევე ხარკოვის, მიკოლაივისა და ხერსონის ოლქების ტერიტორიების ნაწილი, რომლებიც რუსული ჯარის მიერ დროებით იყო ოკუპირებული.
უკრაინის არმიამ უზრუნველყო ინიციატივა, კონტრშეტევით ოპერაციებს ატარებს დიდ ნაწილზე ფრონტის ხაზის გასწვრივ, მაშინ, როცა რუსული ჯარი თითქმის სრულად არის კონცენტრირებული უკრაინის მიწების შენარჩუნების მცდელობაზე, რომლებსაც ისინი ჯერ კიდევ აკონტროლებენ“, - აღნიშნულია ანგარიშში.
ISW-ში ასევე აღნიშნავენ, რომ დასავლეთის დახმარების შედეგად, უკრაინამ უზრუნველყო დამოუკიდებლობის დაცვა, თუმცა მის წინაშე დგას უპირველესი ამოცანა - გაათავისუფლოს სტრატეგიულად მნიშვნელოვანი ტერიტორიები, რომლებიც ჯერ კიდევ რუსეთის კონტროლის ქვეშაა.
