უკრაინის პრეზიდენტი ვოლოდიმირ ზელენსკი თურქეთში ჩავიდა, სადაც თურქეთის პრეზიდენტს რეჯეფ თაიფ ერდოღანს შეხვდება.
ვოლოდიმირ ზელენსკი სოციალურ ქსელში წერს, რომ ერდოღანთან მოლაპარაკებებს გამართავს მშვიდობის ფორმულის, ნატო-ს სამიტის, უსაფრთხოების გარანტიებისა და „მარცვლეულის შეთანხმების“ შესახებ.
მისივე თქმით, ასევე ყურადღების ცენტრში იქნება უკრაინის აღდგენისა და ორი ქვეყნის საწარმოებს შორის თავდაცვითი კონტრაქტების საკითხები.
თურქეთში ვიზიტამდე, ვოლოდიმირ ზელენსკი იმყოფებოდა ბულგარეთში, ჩეხეთსა და სლოვაკეთში.
