ბელარუსის პრეზიდენტი ალექსანდრ ლუკაშენკა აცხადებს, რომ დაჯგუფება „ვაგნერის“ ხელმძღვანელი ევგენი პრიგოჟინი და მისი მებრძოლები ქვეყნის ტერიტორიაზე არ იმყოფებიან.
„რაც შეეხება ევგენი პრიგოჟინს, ის იმყოფება პიტერში. დღეს სად არის? შესაძლოა, დილიდან მოსკოვში წავიდა“, - განაცხადა ლუკაშენკამ.
გარდა ამისა, ლუკაშენკამ, ჟურნალისტებს ვაგნერელების ადგილსამყოფელის შესახებაც უთხრა. „რამდენადაც ინფორმირებული ვარ, „ვაგნერის“ მებრძოლები იმყოფებიან თავიანთ ბანაკებში. მუდმივ ბანაკებში, სადაც ისინი ფრონტიდან გაყვანის შემდეგ ძალების აღდგენისთვის იმყოფებოდნენ“, - თქვა ლუკაშენკამ.
ასევე მისი თქმით, ბელარუსში პრიგოჟინის დაქირავებული მებრძოლებისთვის ბანაკებს არავინ აშენებს.
„ბანაკებს ჩვენ არ ვაშენებთ, ჩვენ მათ შევთავაზეთ რამდენიმე ყოფილი სამხედრო დასახლება, რომლებსაც საბჭოთა პერიოდში ვიყენებდით. თუ ისინი თანახმა იქნებიან. თუმცა „ვაგნერს“ სხვა ხედვა აქვს განთავსებასთან დაკავშირებით. ამის შესახებ თქვენ ვერ გეტყვით“, - განაცხადა ლუკაშენმკამ.
