ეუთოს საპარლამენტო ასამბლეამ მიიღო დეკლარაცია, რომლის თანახმად რუსეთი აღიარებულია ტერორისტული დაჯგუფება „ვაგნერის“ სპონსორ-სახელმწიფოდ.
ამის შესახებ ეუთოს საპარლამენტო ასამბლეაში უკრაინის დელეგაციის წევრმა, დეპუტატმა ევგენი კრავჩუკმა უკრაინულ მედიას განუცხადა.
ეუთოს საპარლამენტო ასამბლეის სხდომის საბოლოო დოკუმენტში მითითებულია, რომ კერძო სამხედრო კომპანია „ვაგნერის“ ქმედებები რუსეთის მთავრობის სახელით, შეიძლება „სამართლიანად შეფასდეს, როგორც ტერორისტული“.
ასევე აღნიშნულია, რომ ეუთოს წვერმა ქვეყნებმა უნდა მიიღონ ზომები „ვაგნერისა“ და მასთან აფილირებული სტრქუტურების წინააღმდეგ ტერორისტულ ორგანიზაციებად გამოცხადების გზით.
დეკლარაცია ასევე "მოუწოდებს წევრ ქვეყნებს გააძლიერონ საერთაშორისო ნორმები, რომლებიც ნათლად აღიარებენ ვაგნერის ჯგუფის ტერორისტულ ბუნებას და მის საქმიანობას" და "რუსეთის პასუხისმგებლობას, როგორც ამ ტერორისტული ორგანიზაციის სახელმწიფო სპონსორს".
კრავჩუკის თქმით, ასეთი ფორმულირება პურველად არის გამაგრებული საერთაშორისო ორგანიზაციის ოფიციალური დოკუმენტით.
