რუსეთის უშიშროების საბჭოს თავმჯდომარის მოადგილის დმიტრი მედვედევის აზრით, რუსეთმა დიპლომატიური ურთიერთობა დროებით უნდა გაწყვიტოს დიდ ბრიტანეთთან, ფინეთთან, პოლონეთთან და ბალტიის ქვეყნებთან.
„ფინეთთან და მის მსგავსებთან (პოლონეთის, ბალტიის ქვეყნებისა და რა თქმა უნდა ბრიტანეთის სახით) უმჯობესია ან დროებით შეწყდეს ურიერთობა, ან ამ დროისთვის შემცირდეს მისი დონე“, - წერს მედვედევი „როსისკაია გაზეტაში“ გამოქვეყნებულ სტატიაში.
მისივე თქმით, რუსეთისა და დასავლეთის ტოტალური დაპირისპირების შედეგები უნდა აისახოს ჰელსინკის აქტის ტიპის ახალ დოკუმენტში.
მედვედევი ისევ ამტკიცებს, რომ უკრაინის წინააღმდეგ ომი ეს არის კოლექტიური დასავლეთისა და მთელი დანარჩენი სამყაროს ტოტალური დაპირისპირება, რომელიც ათწლეულები გაგრძლედება. მისივე თქმით, ამ დაპირისპირებამ მსოფლიო მესამე მსოფლიო ომის ზღვარზე დააყენა, რომლის შემთხვევაშიც დედამიწაზე დადგება ბირთვული ზამთარი, გავრცელდება ელიდემიები დ შიმშილობა.
მედვედევი ასევე ამტკიცებს, რომ რუსეთის მიზანია „აღმოფხვრას“ ნატო-ში უკრაინის გაწევრიანება, რასაც მისი თქმით, ის ამას აღწევს. „თუ კონფლიქტის მხარეებს არ იღებენ ნატო-ში, ეს იმას ნიშნავს, რომ კონფლიქტი იქნება პერმანენტული, ეს ხომ რუსეთის არსებობის საკითხია“, - ამბობს მედვედევი.
