საფრანგეთში საპროტესტო აქციების მონაწილეები პარიზის ერთ-ერთი გარეუბნის მერის ვენსან ჟანბრიუნის სახლს თავს დაესხნენ. იუწყება ტელერახი France24.
მათ მერის სახლი დაარბიეს, მანქანას ცეცხლი წაუკიდეს, თავს დაესხნენ მის ცოლსა და მცირეწლოვან შვილებს, როდესაც ისინი გაქცევას ცდილობდნენ.
თავად ვენსან ჟანბრიუნი შემთხვევის დროს სახლში არ იმყოფებოდა, მის ცოლსა და შვილებს კი სახლში ეძინათ.
„მათი გადარჩენის მცდელობისას და თავდამსხმელებისგან გაქცევისას, ჩემი მეუღლე და ჩემი ერთ-ერთი შვილი დაზარალდნენ“, – განაცხადა მერმა.
საფრანგეთის პროკურატურამ სისხლის სამართლის საქმე აღძრა მკვლელობის მცდელობის ფატქზე. ამასთან, France24-ის ჟურნალისტის ცნობით, რომელიც ადგილზე იმყოფებოდა, ჟანბრიუნის სახლი მთლიანად გაძარცვულია.
საფრანგეთში საპროტესტო გამოსვლები მას შემდეგ დაიწყო, რაც ცნობილი გახდა, რომ 27 ივნისს, პარიზის გარეუბან ნანტერში პოლიციელმა წარმოშობით ალჟირელი 17 წლის ბიჭი მოკლა.
დაკავებულია პოლიციის ოფიცერი, რომლის გასროლას მოზარდი ემსხვერპლა
