უკრაინის შეიარაღებული ძალების აღმოსავლეთ სარდლობის წარმომადგენლის სერჰი ჩერევატის ინფორმაციით, უკრაინულმა დანაყოფებმა ბახმუტის მიმართულებით წინ წიაიწეს. „ჩვენ გვაქვს წინსვლა ბახმუტის მიმართულებით. იქ მიმდინარეობს საბრძოლო მოქმედებები ფლანგებზე, მიდის წნეხი მტერზე“, - განაცხადა ჩერევატიმ ტელემარათონის ეთერში და აღნიშნა, რომ დაწვრილებით ცნობებს გათავისუფლებული ტერიტორიების შესახებ დეტალური ანალიზისა და ვერიფიკაციის შემდეგ ისაუბრებს.
მისი თქმით, დღე-ღამის განმავლობაში ბახმუტის მიმართულებით მოხდა 23 საბრძოლო შეტაკება. „მტერი გაშმაგებულ წინააღმდეგობას გვიწევს - 444-ჯერ დაგვარტყა ქვემეხებიდან და რექატიული არტილერიიდან, განახორციელა 5 ავიადარტყმა“, - აღნიშნა ჩერევატიმ. ამასთან, მისი ინფორმაციით, უკრაინელმა სამხედროებმა ბრძოლების მსვლელობისას გაანადგურეს ან დაჭრეს ასობით რუსი ჯარისკაცი, ასევე გაანადგურეს რუსული სამხედრო ტექნიკის მნიშვნელოვანი რაოდენობა.
ჩერევატის თქმით, 10-თვიანი აქტიური ბრძოლების შედეგად ბახმუტში ვითარება ძირფესვიანად შეიცვალა. ახლა ინიციატივა ეკუთვნის უკრაინას, თუმცა უკრაინის შეიარაღებულ ძალები ოკუპანტების წინააღმდეგ წნეხს მიმართავენ.
კერძოდ, იყენებენ უპილოტო საფრენ აპარატებს, მაღალი სიზუსტის სისტემებს დაზვერვასთან ერთად, რათა წარმატებულად გაიარონ დანაღმული ველი. „და ნაბიჯ-ნაბიჯ, სწრაფი მოქმედების გარეშე, რომელმაც შესაძლოა, გამოიწვიოს დიდი დანაკარგები, წინ მივიწევთ და პრინციპში ვასრულებთ დასახულ ამოცანებს მტერზე ზეწოლის გაძლიერებასთან დაკავშირებით“, - განაცხადა ჩერევატიმ.
