უკრაინის საგარეო საქმეთა მინისტრმა დმიტრო კულებამ გერმანიის მთავრობას მიმართა არ გაიმეორონ ყოფილი კანცლერის ანგელა კანცლერის შეცდომები და ხელი არ შეუშალონ ნატო-ში უკრაინის გაწევრიანებას.
ამის შესახებ კულებამ გერმანულ გამოცემა Bild-ს განუცხადა.
„არ გაიმეოროთ კანცლერ მერკელის შეცდომა, რომელიც მან 2008 წელს ბუქარესტში დაუშვა, როდესაც სასტიკად ეწინააღმდგებოდა ნატო-ში უკრაინის გაწევრიანების გზაზე ნებისმიერ პროგრესს“, - განაცხადა კულებამ.
კულებას აზრით, ალიანსის მაშინდელმა გადაწყვეტილებამ გზა გაუხსნა პუტინს საქართველოში შეჭრისკენ და შემდეგ ყირიმის უკანონო ანექსიისკენ. „უკრაინა 2014 წელს უკვე ნატო-ს წევრი რომ ყოფილიყო, არ იქნებოდ ყირიმის ანექსია, ომი დონბასში და მთელი ქვეყნის ტერიტორიაზე შეჭრა არ მოხდებოდა“, - აღნიშნა კულებამ.
ამასთან, კულებამ თქვა, რომ არ ელოდება ნატოს- გაწევრიანებას ომის დროს.
„მაგრამ ომის შემდეგ ევროპისთვის თვითმკვლელობა იქნება ნატო-ში უკრაინის არმიღება“, - განაცხადა მან.
„ერთადერთი საშუალება დაიხუროს რუსული აგრესიის კარი ევროპისა და მთლინად ევრო-ატლანტიკური სივრცის წინააღმდეგ - ნტოს-ში უკრაინის მიღებაა“, - აღნიშნა კულებამ.
მისი განმარტებით, რუსეთი ვეღარ დაესხმება უკრაინას თავს, თუ ის ნატო-ს წევრი იქნება და უკრაინაც გაათავისუფლებს გერმანიას და ნატო-ს სხვა დასავლურ ქვეყნებს აღმოსავლეთ ფლანგის დაცვის ტვირთისგან.
„ჩვენ ავიღებთ ამ ტვირთს ჩვენს მხრებზე“, - განაცხადა კულებამ.
