"ევროპელი სოციალისტების" დეპუტატი, ფრიდონ ინჯია ამბობს, რომ ჯაფარიძის, ბერძენიშვილის და სხვების შემდეგ, კიდევ ბევრია საცემი. მისივე აზრით, "ამ სიას" შეიძლება პარლამენტარებიც დაემატონ.
ინჯია ფიქრობს, რომ პარლამენტმა უნდა მიიღოს კანონი, რომელიც შეურაცხყოფას აკრძალავს, მათ შორის პატრიარქის მიმართ.
"როგორც ცნობილია, ბოლო პერიოდში იცემა მიშველაძე, ბერძენიშვილი, ჯაფარიძე, ქუთელია და ამ სიას, პარლამენტის წევრები შეიძლება შეემატონ და ბევრია კიდევ საცემი და მიზეზი რა არის ბატონო პრემიერმინისტრო?! მე ვფიქრობ, ეს არის ცილისწამებისა და შეურაცხყოფის შესახებ კანონის დღემდე არ მიღება, თუ იქება ასეთი კანონი, რომელიც შეურაცხყოფას აკრძალავს და ცილისწამებას, გინდაც უწმინდესის მიმართ, შეიძლება ეს სია შემცირდეს და საერთოდ არ იყოს. ეს მოთხოვნა იყო და ეს ეხება კიდევ შეკრებებისა და მანიფესტაციის შესახებ კანონს, აკრძალვა კი არ არის, აქ არის შეზღუდვა იმ ტერიტორიების, ლოკაციების, სადაც პროპაგანდა ამის თაობაზე არ უნდა იყოს, მაგალითისთვის, იქ სადაც თქვენ პატარა ბავშვი პირველ კლასში მიგყავთ, იქ არ იყოს სურათი, რომელიც არის, არ მინდა ახლა, ეს უხერხულობას იწვევს მოსახლეობაში, 98%. ასეთი კანონები, რამდენიმე, 4 მზად გვაქვს ჩვენ პოლიტიკურ ჯგუფს", - თქვა ფრიდონ ინჯიამ.
