რუსმა ოკუპანტებმა ზაპოროჟიეს ატომური ელექტროსადგურის დატოვება ეტაპობრივად დაიწყეს. 5 ივლისამდე სადგურიდან წასვლის მითითება მიიღეს ატომური ელექტროსადგურის რიგმა თანამშრომლებმაც. ამის შესახებ ინფორმაციას უკრაინის დაზვერვის მთავარი სამმართველო აცხადებს.
„ბოლო მონაცემებით, საოკუპაციო კონტინგენტი ეტაპობრივად ტოვებს ზაპოროჟიეს ატომურ ელექტროსადგურს. სადგურიდან ერთ-ერთი პირველი “როსატომის“ სამი თანამშრომელი წავიდა, რომლებიც რუსების მოქმედებებს ხელმძღვანელობდნენ.
ევაკუირების რეკომენდაცია მიიღეს უკრაინელმა თანამშრომლებმაც, რომლებსაც ხელი ჰქონდათ მოწერილი „როსატომთნ“ კონტრაქტისთვის. მიღებული მითითების თანახმად, მათ სადგური 5 ივლისამდე უნდა დატოვონ“, - ნათქვამია დაზვერვის ინფორმაციაში.
რუსი ოკუპანტები სადგურზე მყოფ პირებს ურჩვენ გადავიდნენ ანექსირებული ყირიმის ტერიტორიაზე.
დაზვერვის ცნობებით, თავად ზაპოროჟიეს ატომური ელექტროსადგურის ტერიტორიაზე და ქალქ ენერგოდარში ეტაპობრივად მცირდება სამხედრო პატრულის რაოდენობა.
ამასთან, დაზვერვის განცხადებით, პერსონალს, რომელიც რჩება სადგურის ტერიტორიაზე, ოკუპანტებმა მიცსეს მითითება „ნებისმიერი ავარიული სიტუაციის შემთხვევაში დაადანაშაულონ უკრაინა“.
