რუსული მედიის ერთ-ერთი ვერსიით, უკრაინაში რუსეთის სამხედრო ოპერაციების მეთაურის მოადგილე, გენერალი სერგეი სუროვიკინი დაკავებული არ არის, მათივე ცნობით, ის დაკითხეს და გამოუშვეს.
გამოცემა „ვაჟნიე ისტორიის“ წყაროები არ ადასტურებენ დაჯგუფება „ვაგნერის“ ხელმძღვანელის, ევგენი პრიგოჟინის ამბოხთან კავშირის გამო სუროვიკინის დაკავებას. გამოცემის წყაროს თანახმად, სუროვიკინი დაკითხეს და გამოუშვეს.
ასევე Bloomberg წერს, რომ სუროვიკინი ამბოხთან დაკავშირებით დაკითხეს. გამოცემის წყაროს თქმით, გენერალი იმყოფება ერთ ადგილზე, მაგრამ არა ციხეში და გამომძიებლები მას ფრთხილად ექცევიან, რათა არ გააღიზიანონ სხვა სამხედროები, რომლებიც აღფრთოვანებულები არიან არმიაში სუროვიკინის მიღწევებით.
შეგახსენებთ, დღეს, რუსულმა მედიამ გაავრცელა ინფორმაცია სუროვიკინის დაკავების შესახებ.
