ისრაელის პრემიერი ბენიამინ ნეთანიაჰუ მზად არ არის უკრაინას საჰაერო თავდაცვის სისტემა „რკინის გუმბათი“ გადასცეს. ამის შესახებ მან გამოცემა The Wall Street Journal-თან ინტერვიუში განაცხადა. მისი თქმით, სისტემები, შესაძლოა, ირანის ხელში აღმოჩნდეს.
„ვფიქრობ, რომ უნდა გავითვალისწინოთ ჩვენი შეშფოთება, რომ სისტემები, რომლებსაც ჩვენ უკრაინას მივაწოდებთ, შესაძლოა, მოხვდეს ირანის ხელში, სადაც ისინი შეიცვლება და ჩვენ ვიქნებით ისეთ სიტუაციაში, როდესაც ისინი მიმართული იქნება ისრაელის წინააღმდეგ,“- განაცხადა ნეთანიაჰუმ.
მისი თქმით, „დასავლურმა ტანკსაწინააღმდეგო სისტემებმა უკვე გაიარეს ზუსტად ეს გზა. „ახლა ჩვენ ვხედავთ მათ ჩვენს საზღვრებზე „ჰეზბოლას“ ხელში“, - თქვა ნეთანიაჰუმ.
