რუსეთის თავდაცვის სამინისტროში აცხადებენ, რომ უკრაინის ქალაქ კრამატორსკში, სარაკეტო დაბომბვის შედეგად უკრაინის არმიის ორი გენერალი, 50 ოფიცერი და 20 უცხოელი დაქირავებული მებრძოლი მოკლეს. ამის შესახებ რუსული სააგენტო „რია ნოვოსტი“ იუწყება.
მათი ინფორმაციით, დაბომბვა უკრაინის შეიარაღებული ძალების 56-ე ცალკეული მოტორიზებული ქვეითი ბრიგადის დროებითი განლაგების პუნქტზე შტაბის შეკრების დროს განხორციელდა.
უკრაინის განცხადებით, რუსეთის სარაკეტო თავდასხმის სამიზნე იყო მშვიდობიანი მოსახლეობა. ოკუპანტების სარაკეტო იერიშს 12 ადამიანი, მათ შორის სამი ბავშვი ემსხვერპლა.
